Ciau Ninu
La partita tra l'Italia e li Stati Uniti era affatturata (nt'un
senzu pusitivu). Nun u dicu accussì pi quantu riguarda lu jocu
spicificamenti, ma picchì succidìu assai, e nfini la squatra
miricana fici bonu a firmari l'Italiani a signari nautra vota
(ricurdannu ca eranu sulu novi, contra deci). La prima riti di
Gilardino era bedda, spiciarmenti la palla di Pirlo, chi forsi era
lu jucaturi dû campiunatu (cu Cannavaru, naturalmenti). Nfatti, li
miricani quasi vinceru quannu signaru tardu nnû secunnu tempu, ma la
riti vinni annullata p'èssiri fora jocu (forsi cc'era, forsi no). E
pòviru Zaccardo, nautru jucaturi dâ squatra palermitana - si nun mi
sbagghiu, iddu nun juacau cchiui doppu la sò auturiti.

Pròssima vota lu campiunatu veni jucatu nta l'Àfrica dû Sud, ma mi
pari c'ancora cci sunnu li dubbî pi quantu riguarda la sò capacitati
d'ospitari stu tipu di spittàculu. Australia l'havi pi sicuru (e li
dirittura di FIFA lu sannu).

Ma ora ca tuttu è finutu, aspettamu a scupriri chi dissi Materazzi a
Zidane. E poi avemu a scupriri cui è lu campiunatu dâ Seria A pi
l'ùrtimi dui anni (picchì certamenti Juventus veni disqualificata
addirittura). Nfatti, cci sunnu accussi tantu squatri chi fannu
parti di stu scànnalu ca forsi Palermu vinci lu scudettu pi 2004-05!

Quarchirunu sapi si Missina cci arresta nta la Seria A. Siddu cci
arresta - significa tri squatri siciliani pu prossimu annu.

Salutamu.
pippu d'angelo, canberra


--- In Linguasiciliana@yahoogroups.com, "ANTONINO RUSSO"
<ILSICILIANO@w...> ha scritto:
>
> Pippu lu fattu di li rigori, sunnu opinioni pirsunali, tu la penzi
accussi e iu rispettu la to pinioni. Forsi comu dici tu fussi
megghiu ammazzarisi finu ca unu vinci. Finiri cu li ligori e`
vinciri pi furtuna, no cchiu` pi valuri. Nun e` facili parari ddi
cannunati, si ti trovi a lu postu giustu capaci ca lu pari si no,
scordatillu. Ma pi quantu a quantu golli si fannu, chiddu nun havi
mpurtanza, un golli e` chiddu ca vinci, chiddu ca si fa l'urtimu
doppu lu pareggiu.
> Iu la partita di l'Australia nun appi pussibilita` di vidilla, ma
la vitti iucari na vota ed e` na bedda squatra. Certu ca p'arrivari
a li finali ci voli esperienza bona e anticchia di furtuna, La
squatra australiana a prossima vota fara` megghiu. ci voli tempu a
farisi l'ossa. Iu nun mi l'aspittava ca l'America finia accussi
prestu, picchi e` na bedda squatra, nun avi l'eprienza di l'autri ma
si mancia quattru fila e all'Italia ci detti filu di torciri, ma
s'hannu a fari l'ossa puru iddi.
> Salutamu,
> Ninu Russo
>
>
> http://home.att.net/~ilsiciliano
> Faber est suae quisque fortunae
>