Lu dottu:
Grazzî – cu Petru Fudduni cc'è sempri di rìdiri. Ccà cc'è n'autra:

Lu dottu:
Mi fu mannatu un marzapani chiusu,
di supra scrittu lu O e lu C;
ddà dintra cc'è un domanti prizziusu,
ca ntra lu munnu lu paru nun cc'è;
e nautra cosa a li parti di jusu,
ca fa lu fruttu e dici a l'omu: tè!
Petru Fudduni, pueta famusu,
va sciògghimi stu dubbiu cos'è?

Fudduni:
Lu celu è chiddu marzapanu chiusu,
la luna e lu suli è O e C;
Diu è lu domanti prizziusu,
ca ntra lu munnu lu paru nun cc'è;
la terra è chidda a la parti di jusu,
ca fa lu fruttu e dici a l'omu: tè!
Dottu di Tripi, nun stari cunfusu,
ti l'hè sciotu lu dubbiu qual è.

(Funti: Arba Sicula, vol. 2)

pippu d'angelo, canberra

--- In Linguasiciliana@yahoogroups.com, "Vanilla-@t..." <vanilla-
@t...> ha scritto:
>
> Salutamu a tutti.
>
> Jhavi assai chi non mi fazzu sèntiri nta lista, ma ora chi vi
leggiu scriviri i poesia non resistu a darvi u me contributo.
>
> Chistu chi vi scrivu jè un nnimimo di Petru Fudduni ranni poeta
populari du 1600.
>
>
> Nnimino
>
>
> Rispunni: cui filau la prima stuppa?
> Cu fu chi maniau la prima zappa?
> Cu fu ca sprimintau la prima suppa?
> E chi cos'è ca cu lu tempu arrappa?
> Cu fici la galera senza puppa?
> Lu pisci chi intra di la riti ncappa?
> Quannu, pueta, mi sciogghi sti gruppa,
> Ti poi chimari pueta di cappa.
>
> Lu dottu di Tripi
>
>
> Eva fu chi filau la prima stuppa
> Adamu maniau la prima zappa
> Noè la sprimintau la prima suppa
> E l'omu è chiddu ca 'nvicchiannu arrappa;
> La donna è la galera senza puppa
> L'omu è lu pisci chi 'ntra riti 'ncappa;
> Su' pueta e su scioti li tò gruppa,
> Iu già sugnu pueta e tu si rappa.
>
> Petru Fudduni
>
>
>
> Baciuni ranni,
> velvet
>
>
>
>
> -----Messaggio Originale-----
> Da: pippudoz
> A: Linguasiciliana@yahoogroups.com
> Data invio: mercoledì 23 agosto 2006 8.01
> Oggetto: [Linguasiciliana] Ogg: Puisia
>
>
> Grazzî Fara
> N'òpira bedda e satìrica - taliati ca puru iddi a ddu tempu
sapìanu
> trizziari câ lingua tagghenti!!
>
> A prupòsitu - unu si pò accattari oi l'òpiri di Pitrè? Staiu
> parrannu dî soi 25 vulumi (o quantu nn'èranu). Supratuttu mi
> ntiressa la sò cugghiuta di fàvuli o fràuli siciliani, chi
> s'accumènzanu cu, p'asempiu: "na vota cc'era"; o "si raccunta
ca na
> vota cc'era", eccetra.
>
> Michiluzzu - nun nn'haiu assai di sti puisìi - ma ogni tantu mi
nni
> trovu una, e fazzu la copia ccà.
>
> Fàvula ditta, fàvula scritta,
> Diciti la vostra, ca la mia è ditta!
>
>
> pippu d'angelo, canberra
>
>
> --- In Linguasiciliana@yahoogroups.com, santella
<santellac@y...> ha
> scritto:
> >
> > Micheli, vistu ca ti piacinu li puisi antichi ti nni mannu una
ca
> truvai ripurtata nna un libru di Pitrè. Si tratta di puisia
popolare
> e fu scritta da Paolo Maura (1638- 1711) mentre era nna lu
carciri
> di la Vicaria
> >
> > Amici amici, caudàri caudàri
> > Facitimi na sarma di lissia,
> > Ca tutti quanti mi vogghiu squadari
> > Li piducchiazzi di la Vicaria!
> > Vaiti nni li mastri pittinari,
> > Faciti tutti pettini pi mia;
> > Si nun hannu ossa, faciti sirrari
> > Li corna a chiddi chi traderu a mia!
> >
> >
> >
> > The Italian Stallion <italianstallion80723@y...> ha scritto:
> > u sicilianu anticu e' troppu beddu ma sunnu troppu
l'apostrufi.
> e quannu vidu paroli comu "sculpita" penzu subbitu a cancialla
> in "scurpita" oppuru "scuppita" pi paura di essiri troppu simili
a u
> talianu, scurdannumi ca e' inveci na similarita' a u latinu.
> capennu stu fattu pozzu apprizzari megghiu a biddizza di u
sicilianu
> anticu e di i paroli menu evoluti puru si assumigghianu un po' u
> talianu. aviti autri testi antichi?
> >
> > Giuseppe DAngelo <pippudoz@y...> wrote: Antoniu Venizzianu
> > di Celia, Lib. 2, vii (~ 1570)
> >
> > Nun è xhiamma ordinaria, no, la mia,
> > è xhiamma chi sul'iu tegnu e rizettu,
> > xhiamma pura e cilesti, ch'ardi `n mia:
> > pi gran misteriu e cu stupendu effettu.
> > Amuri, ntentu a fari idulatria,
> > s'ha nuvamenti sacerdoti elettu;
> > tu, sculpita ntra st'arma, sì la dia,
> > sacrifizziu lu cori, ara stu pettu.
> > Chiacchiera con i tuoi amici in tempo reale!
> >
http://it.yahoo.com/mail_it/foot/*http://it.messenger.yahoo.com
> >
> > __________________________________________________
> > Do You Yahoo!?
> > Tired of spam? Yahoo! Mail has the best spam protection around
> > http://mail.yahoo.com
> >
> >
> > Omnia...homini dum vivit speranda sunt
> > Chiacchiera con i tuoi amici in tempo reale!
> >
http://it.yahoo.com/mail_it/foot/*http://it.messenger.yahoo.com
> >
>
>
>
>
>
>
> __________ Informazione NOD32 1.1454 (20060321) __________
>
> Questo messaggio è stato controllato dal Sistema Antivirus NOD32
> http://www.nod32.it
>