Minzogni.

Cent'anni prima i nasciri ma patri, iu facia u fasciddaru. I vasceddi
nun li sapia cuntari ma i lapi sì.'Gnuornu mentri facia la cunta di li
lapi, minn'addunai ca 'ccì mancava propiu a lapuzza russa 'ccò
piruzzu 'zzuoppu. La ciercu e la riciercu e la vagghiu a
truvari 'ddabbanna mari c'havia fattu cientu cantara di
meli.All'istanti mi cunfunnì e pinzai: unni u miettu, unni u miettu,
mi ciercu 'mprucciu ri la testa, lu spaccu 'nnui e 'ccì 'nnì
miettu 'mmitati. E l'autru unni u miettu, unni u
miettu? 'Ncugnu 'mpugnu 'ntà na valata e nesci na
scecca 'mmardiunata. 'Ccì stuoccu na yamma e la scecca si misi a
curriri vilocimenti, 'ccì stuoccu l'autra yamma e la scecca curria
ancora 'cchiù viloci, 'ccì stoccu la terza yamma e curria 'cchiù
viloci, 'ccì stoccu la cuarta yamma e la sciccaredda cariu ammalamenti.

'Nduvinelli:

Nunn'è mari e fa l'unna, nunn'è 'piecura e s'attunna, nunn'è 'puorcu e
c'havi i 'nziti.

Risposta: u campu i frummientu.