TRAMUNTU A PALERMU
Munti 'Grifuni s'adurna di festa,
ali so pieri s'addumunu li casi,
'ntra l'arbiri 'nzaghirati re jardini.
Li rinnuluna vannu scumpariennu,
'ppì 'darci spaziu a li taddaricheddi,
ca sbulazzunu comu 'mbriachicieddi.
L'aucidduzzi s'innierru a 'mmucciàrisi,
sutta li ciaramiri, 'ntra l'arbiri frunnusi,
'mmienzu a lu prufumu di li 'gilsumini.
Machini e 'camia sfaviddunu 'nfilera,
'ppì lu viali di la 'reggioni siciliana.
Campani 'nfesta e bummi a 'Bonagia.
Nu sturmu di palummi pagghiarini,
sfrecciunu 'ntra lu cielu vispirtinu,
furmannu archi di paci e d'alligria.
Munriali s'imprigna tutta di 'russera,
munti Cucciu ci fa di cumpagnia,
mentri lu suli s'abbia 'ppì 'rripusari.
Ciao, Paolo.
Offline 
Invia email