Caru Paulu
piensu ca u to ragiunamentu è giustu, comu spiegazioni nun facissi na piega, e comunqui teoricamenti fussi a risposta cchiù logica. Paradossalmenti sunassi macari stranu, tantu che se pigghi un libru di filologia romanza ti dicia ca, macari su u latinu avi na sintassi assai libbira, non SVO, solitamenti u verbu V è sempri a fini, cosa ca si perda in tutti i lingui romanzi, ca stanu ca custruzioni SVO, suggettu verbu oggettu.

Ma comu dici tu, Paulu, nto sicilianu macari su a sintassi nun è libbira comu chidda do latinu u verbu sempri a fini è, armenu ntò linguaggiu parratu libiru e informali. nti stu casu chiddu ca si scriva nti sti libbri nun è propriu a virità, e do sicilianu n'avissuru teniri cuntu (macari ca poi stu fenominu dirivassi di quarchi cos'autru, fattu sta ca è n'analogia cco latinu, e si nn'ha teniri cuntu ca si prisenta in una di li parrati romanzi).