A VACCA DORMI
Si jucava faciennu 'dui squatri di quattru jucatura 'ppì ogni squatra. Prima però si facia a tucca, 'nzumma u paru e sparu ri tutti i jucatura.
I quattru ca pirdieunu, 'ppì 'pinitenza appuzzaunu, vali a 'diri, si sistimaunu 'ccù lu schinu abbassatu, appuiannusi a lu u primu, ca di solitu era chiddu 'cchiù gracili e menu agili, ca s'appuiava a lu muru e l'autri tri s'affirraunu 'ncatinati unu 'ccù l'autru abbassati, 'ccù lu schinu bellu paru e calatu comu nu sciccarieddu. A stu puntu, a unu a vota, i quattru di l'autra squatra 'ncuminciaunu a sautari, unu a la vota, supra a chiddi appuzzati, 'ristannuci fermi di supra la gruppa. A stu puntu, ogni tantu, u capitanu di la squatra di supira, 'ccì ricia a chiddi ra squadra appuzzati di sutta: "Cchi 'ddici a vacca?". Se chiddi ca stavunu sutta erunu stanchi muorti e nun 'ccià facieunu 'cchiù a suppurtari u pisu 'ntè spaddi, rispunnieunu: "Scinni e 'ntravacca"! Allura si ripigghiava u jocu comu a 'prima, a sautarici di supra. Se inveci chiddi appuzzati di sutta sannu 'risistiri, suppurtannu lu pisu 'nte spaddi, e 'nnò frattiempu a qualcunu di chiddi ca si truovunu a cavaddu supira 'ccì scivulava qualchi pieri tuccannu 'nterra; allura la situazioni si veni a ribaltari: chiddi c'avieunu appuzzatu sutta imitannu a vacca ca dormi, ora inveci fannu i cavalieri e s'addivirtieunu a 'sautari supra a l'autri, ca ora si truovunu appuzzati di sutta a fari a vacca dormi, e accussì cuntinua u juocu.
Offline 
Invia email