SICILIA BEDDA (puisia inedita)

Sicilia mia, ti vuogghiu ‘beni assai,

‘ppì li biddizzi tuoi, di summu pararisu,

c’ammalianu la ‘genti, di tutti li paisi.

Sì ‘nà ‘ncantevuli ‘riggina, ‘mienzu a lu mari,

sdraiata ‘ntà nu liettu, a ‘forma ri tribbuolu,

 ti lass’accarizzari ro vientu, ro suli e ‘dò mari.

Muncibeddu t’ammira e ‘sì ‘nnì cumpiaci,

ri tuttu stù tò fascinu, di granni meravigghi,

 sbuffannu ‘ppì lu cielu, trisori di faiddi.

U suli assuma a galla, ro mari Pachinisi,

‘mentri li piscatura, arricugghiennusi li riti,

prianu a lu Santu Diu, ‘dì truvarli chini.

Li campagni sù ‘mprignati di ciauru nustranu:

 ciliegginu, cantalupi, piridda e frutta staggiunali.

Sicilia sì la ‘riggina di lu mari, e ti ‘nnì ‘puoi vantari!