SICILIA BEDDA (puisia inedita)

Sicilia mia, ti vuogghiu ‘beni assai,

‘ppì li biddizzi tuoi, di summu pararisu,

c’ammalianu la ‘genti di tutti li paisi.

Sì ‘nà ‘ncantevoli ‘riggina, ‘mienzu a lu mari,

sdraiata ‘ntà nu liettu, a ‘forma ri tribbuolu;

 ti lassi accarizzari ro vientu, ro suli e ‘dò mari.

Muncibeddu t’ammira e ‘sì ‘nnì godi,

di tuttu lu tò fascinu e li tò maravigghi,

e ‘rirri e sbuffa ‘ncielu, trisori di faiddi.

U suli assuma a galla, ro mari Pachinisi,

‘mentri i piscatura, arricugghiennu li riti,

prianu a lu Santu Diu, ‘dì truvarli chini.

Li campagni sù’ ‘mprignati di ciauru nustranu:

di ciliegginu, cantalupi, piridda e frutta di staggiuni.

Sicilia sì la ‘riggina di lu mari, e ti ‘nì ‘puoi vantari!