Grazi a ttia e a tutti l' amishi ru paisi. V' agguriu puru a
vuautrhi na bona annata.
Dop' i festi, com'o solitu, chiancemu anticchia pu piashiri chi ni
pigghiamu no manciari senza nuddhu cuntrhollu. Iu happ' a nghrassari
na shinkina 'i chila, ma a me mogghi unn a pozzu sentiri chiù a kuant'
è dispirata, e a tutt' a dieta ch' hav'a fari.
Vinni Ndrhia cca ni mia - ci u rishisti tu r' avvishinari? - Mi
fishi viriri u libbru e di comu mpustau i puisì. Sucunnu mia
cuarkeruna l' happ' a scartari, è beru? u libbru vinni bonu e senza
ranni spisati. Shertu ca stampanti laser è megghiu, pickì iu, chi
cartucci inkjet, haiu sempri di rhicaricari ca siringha, s' unn
mogghiu jiri a accattalli, chi mircati unn zunnu.
Mi piashiu l' idea di metticci u cartoncinu bianku comu prima e
urtima paggina: Sulu u titulu e u nomi; accussì tuttu bianku pari na
cosa priziusa. Però è megghiu chi purtati tutt' e settantashinku copi
cca ni mia, e vi li fazzu tagghiari na tipografia. I paggini parinu
dhitti, ma si viri ch' è na cosa p' accummirari. Tagghiati na
tipografia, nmeshi, i cozzi ru libbru vennu lisci lisci, e poi viri
ch'è un piashiri puru a tuccalli.
E ora?
M' avit' a fari un fauri. M' avit' a diri pickì i pueti scrivinu
puisì e li vonnu stampati ne libbra. Unn mi riri chi è pickì ci vonnu
varagnari sordi! Iu sugnu sicuru chi ssi settantashinku copi a Ndrhia
ci abbastanu e ci assuecchianu: Kuannu ni sparti na pocu all' amishi
chiù ntrhisichi, ci n' arrestanu sempri tanti. Ki n' hav' a fari? Si
ponnu vinniri senza u pirmessu ra SIAE, o chissacciu iu? Fashitimi sapiri.
Kanusciu a nautrhu pueta chi scrivi puisì n zishilianu, Paolo
Valvo, ma stu signore i so puisì li pubblica in internet e li
canuscinu n tutt' u munnu. Pickì unn fashiti accussì puru vuautrhi?
Cca na stu Forum r' unni vi scrivu, ci nn' è tanti chi vi ponnu
cunzigghiari. Megghiu ankora costrhuitivi un Blog o un Situ unni
pubblicalli. Ma è megghiu chi ni parramu appressu.
Pir ora vi salutu e v' agguriu arré na bon' annata e filishi!