MATINATA MASSARIOTA

Canta u jaddu, ‘mentri i stiddi parunu

tutti spersi sutta u mantu di la luna,

ca li cummogghia, e comu picciriddi

‘ccì fa la ‘vò e li curca a una, a una.

Resta ‘ncielu na frisca muragghia,

e ‘manu, ‘manu ca s’affaccia a jancura,

versu lu livanti, ‘nquarchi banna,

si viri saittari nu sprazzu di chiarura.

L’alludula, ucieddu matinaluoru,

’ncigna ‘ppì primu lu suli nascenti,

arrisbignannu, ‘ccù li sò’ aluzzi d’oru,

li mannàri, unn’agghiacciunu l’armenti.

E ‘ciamunu a li vacchi, a li vitieddi,

e li crapuzzi, ‘ntenti a ‘masticari,

e li pazzigni e vivuli ciaurieddi,

‘dopu na notti ca stannu a ‘lammicari.

U picuraru fa lu lassa e pigghia,

a una, a una i piecuri ‘ncagghia,

u latti di li minni si ‘ccì pigghia,

e sò mugghieri, lu conza e cuagghia.