AMURI DI MAMMA

 

Dimmilla, figghia bedda a viritati,

se sienti amuri ‘ppì stu cori ‘riu,

ca paci nun ‘ntrova ‘cchiù ‘ntà li nuttati,

e penza ancora a ‘ttìa, a ‘ssù labbru rìu.

 

‘Cchì fù, ‘cchì ti stufarru i me canzuni

di notti, ‘nzuccarati di l’amuri miu,

ca ‘ntrà  li notti sutta u tò’ ‘barcuni,

ti li cantavu ‘ccù tuttu lu miu arduri?

 

‘Ppì ‘ttia cianci, macari me’ matruzza,

ca viri persu lu so figghiu caru,

e malarici sempri ‘ssà vuccuzza,

ca primu ridi e ‘duoppu etta l’amaru.

 

Ora ‘ccì criru ca sì cient’amuri,

c’abbannunasti o vientu li tò veli.

Sì comu na lapuzza ‘ntrà li ciuri,

ca posa, vola e sempri suca meli.

 

No, nun ‘ncì cantu ‘cchiù, ‘ntà ‘sà vanedda,

vardu la matri mia ‘ntrà li nuttati,

e sulamenti, ‘ntà stà vicchiaredda,

truovu lu veru amuri e a viritati!