TRAMUNTU A PALERMU

Munti ‘Grifuni s’adurna di festa,

a li ‘sò pieri s‘addumunu li casi,

‘ntrà l’arbiri ‘nzaghirati re jardini.

I rinnuluna  vannu scumpariennu,

‘ppì ‘darici spaziu a li taddarichieddi,

ca sbulazzanu comu ‘mbriachicieddi.

I ucidduzzi s’innierru a ‘mmucciàrisi,

sutta i ciaramiri, rintra l’arbiri frunnusi,

‘mmienzu a lu prufumu di li ‘gilsumini.

Machini e ‘camia sfaviddunu ‘nfilera,

‘ppì lu’ viali di la ‘Reggioni Siciliana.

Campani ‘nfesta e bummi a S. Rusalia.

Nu sturmu ri palummi pagghiarini,

sfrecciunu ‘ntà lu cielu vispirtinu,

furmannu archi di paci e d’alligria.

Murriali s’imprigna tutta di ‘rrussera,

munti Cucciu ci fà ri cumpagnia,

‘mentri u suli s’abbia ‘ppì ‘ripusari.

TRAMONTO A PALERMO  (poesia inedita)

Monte Grifone s’adorna in festa.

Ai suoi piedi s’accendono le case,

tra gli alberi zagarate dei giardini.

Le rondini vanno scomparendo,

per dare spazio ai pipistrellini,

che svolazzano come ubriachini.

Gli uccellini sono andati a celarsi,

sotto le tegole, tra gli alberi frondosi,

in mezzo al profumo dei gelsomini.

Auto e camion sfrecciano in fila,

nel viale della Regione Siciliana.

Campane in festa e razzi a Bonagia.

Uno stormo di colombe paglierine,

sfrecciano nel cielo vespertino,

formando archi di pace e allegria.

Monreale s’impregna di rossume,

monte Cuccio gli fa da compagnia,

mentre il sole s’adagia per riposare.