L’AMURI MIU

Si bedda, comu o suli a ‘primavera.

Mare ti ‘ciàmi, e ‘còmu o mari ‘ncanti,

Giuisci lu me cori ardentementi,

comu s’abbìa, ‘ntrà stì tò acqui calmi.

Sprazzi di cielu azzurru-turchisi,

sunu i culùra di stuòcci tuoi beddi.

Quannu m’ammìru rintra li tò pupiddi,

tutti l’acciacchi mi fai passàri.

Lu tò prufumu è ‘dì ‘rosi a lu sbucciàri,

la tò vuccuzza è arùci comu o meli,

e li labbruzza ‘ccì l’hai comu e ciràsi.

‘Ntà stà vucca bedda, ta matri ‘cchì ‘ccì misi?

Quannu ti stringi ‘ccù passiùni a ‘mmìa,

mi fai rinàsciri, comu l’aquila ‘rrìali.

?Nfuocu m’ardi ‘mpiettu, ‘mmentri mi vàsi,

e ‘nnè ‘suli, ‘nnè ‘luna, ti puòn’uguàgliàri.

Li labbra su ‘còrdi e specchiu di lu cori,

sùnu ‘bàlsumu e ‘nguentu c’arrìstòra.

Nun c’è sullievu, ‘cchiùssai ri nà vasata,

ràta di la cumpagna tua, ‘nnammùrata.

Binirittu l’amuri ca ‘ccì strinci e ‘ncatina.

Vuògghiu ‘rrìstàri sempri accàntu a ‘ttìa,

pirchì sultantu tu, sì la granni ‘giòia,

e tutta la filicità, principissina mia.

Ciao a tutti.

Paolo

NATALI

Dicemmiru, lu granni di li frati,

friddulinu, appuiatu a lu vastuni,

è liccu di minestra a scutiddati,

e stapi comu o jattu a lu cufuni.

Distenni tuttu paru ‘nta campagna

‘ntappitu biancu di nivi ammunziddata,

c’ all’acidduzzu la casuzza vagna,

e canta senza niru ‘nta campagna.

Supra lu munti pasci a picuredda,

ca cerca sutta a nivi lu so’ pani,

accumpagnata di ‘na ciaramedda

e ‘ntammureddu chinu di cianciani.

Dintra na grutta, ‘nta ‘na staddicedda,

‘nmenzu lu frienu di ‘na manciatura,

‘ccù lu scuru, ruttu di ‘na canniledda,

lu “Bammineddu”, nasci ‘ccu friddura.

“E’ lu Natali!” Riciunu a gran festa,

ca pari ca si ciaccunu i campani;

e curri lesta, la ‘divota pia,

‘meru la chiesa china di cristiani.

Mentri la nivi cari a pampinedda,

vestunu bianchi tutti li vitrini,

e agghiorna ciuruta ogni ramistedda

d’aranci, di murtidda e mannarini.

E ridi a tutti, ‘ppì sta granni festa,

lu Bammineddu ‘cu ‘na  stidda ‘ntesta.

Ciao.

Paolo

-           

U CUCCHERI

Nullu fazzu ‘cchiù u cuccheri,

vuogghiu fari u cavalieri!

Ma mugghieri è stiratrici: stira causi e ‘cammisi.

‘Ccù lu sbarcu di stì ‘ncrisi,

 a la me casa, ‘cchì ricchizza ca ‘ccì fu.

Tutti li sirinati, ‘ccì puortunu fillati,

viscotta, marmellati, ‘ccù ‘zucchuru e cafè.

Ma mugghieri è stiratrici: stira causi e ‘cammisi.

‘Ccù lu sbarcu di stì ‘ncrisi,

a la me casa, ‘cchì ricchizza ca ‘ccì fu.

Tutti li sirinati, ‘ccì puortunu fillati,

viscotta, marmellati, ‘ccù ‘zuccuru e cafè.

Nullu fazzu ‘cchiù u cuccheri,

 vuogghiu fari u cavalieri!

Ciao, Paolo

Orazio, ti ringrazio per le tue congratulazioni per la puisia: “E pozza dunca”

Ecco la traduzione dei versi che mi hai richiesto:

“…Cerne il setaccio e in questo suo girare,

divide il primo fiore (cioè la farina) dalla crusca:

tuo padre cambia stracci con rocchetti (filo per cucito)

e tu, di questo straccivendolo sei figlia!

Può essere successo per sfortuna,

ma quel cuore è un cuore nobile, ladrona!”.

Ciao.

Paolo

MATINATA MASSARIOTA

Canta lu jaddu; parunu li stiddi

spersi sutta lu mantu di la luna,

ca li cummogghia, e comu picciriddi,

ci fa la ‘vòo…e li curca a una, a una.

Resta lu cielu ‘na frisca muragghia,

a ‘mmanu, a ‘mmanu c’affaccia a jancura,

e ‘mmersu a lu livanti, quarchi jancagghia,

si vidi saittari ‘na  chiarura.

La lodula, acieddu matinaluoru,

‘ncigna ‘ppì ‘primu l’azzolu nascenti,

arrisbigghiannu, ‘ccù l’aluzzi d’oru,

li mannari, unn’agghiacciunu l’armenti.

E chiamanu li vacchi a li vitieddi,

e li crapuzzi, ‘ntenti o mastichiu,

li so pazzigni e vivuli ciareddi,

‘dopu ‘na notti, misi o ‘l’ammichiu.

Lu picuraru fa’ lu lassa e pigghia,

ad una, ad una, li piecuri ‘ncagghia;

lu latti di li minni si ‘ccì pigghia,

e la muggheri ‘sò, lu conza e quagghia.

‘Mmàrda lu scecchu, poi grapi la grara,

e fa ‘nesciri di l’agnuni la jaddina,

ca carcariannu chiama la massara,

e ’vvòli la ‘mpastata di matina.

Ciao a tutti.

Paolo

LA FESTA DI S. MARTINU

Nuvemmiru s’avanza ‘ngriddutizzu,

sutta ‘nmantellu di nivi stiddiatu:

a San Martinu c’affridda ‘u capizzu,

si svigghia e ‘trova l’artaru cunzatu.

‘Nta lu paisi miu va’ fistiggiatu,

‘ccù li crispeddi tunni, a spicu, a pizzu:

baddi di pani ‘ccù l’ogghiu ‘nzuppatu,

ca m’arricriu, se li denti ‘ccì appizzu.

E ‘ntà ‘dda sira curri u viddichieddu

d’ogni ‘vuttacciu, e lu vinu limpìa

‘ntra la ‘buttigghia e ‘nnì lu bicchirieddu.

‘Mmiàtu, cu’ havi lu scagghiu a ‘mmunzieddu,

si scorda di lu munnu, e l’armunia

la trova sulu ‘ntrà lu carrateddu.

Ciao a tutti,

Paolo

MINZOGNI

Cent’anni prima i nasciri ma patri, iu facìa u vasciddaru.

i lapi i sapia cuntari, ma i vasceddi nò!

‘Gnuornu, rifaciennu la cunta, m’addunai ca ‘ccì mancava,

 propriu a lapuzza russa, ‘ccò piruzzu ‘ruttu.

La ciercu, la riciercu e la vagghiu a ‘truvari

 ‘dabbanna mari, c’havìa fattu ‘ncantaru di meli.

M’addumannai: “Unn’è ca la miettu, unn’è ca lu miettu?”

Mi rascu ‘mprucciu di la testa, lu spaccu e ‘ccì ni misi ‘mità.

E l’autru meli, unnè ca lu miettu? ‘Ncugnài ‘mpugnu

‘ntà na valata e niscìu na scecca ‘nvardiunata.

La scecca ‘ncuminciau a ‘curriri fortimenti.

Subbitu ‘ccì stuccai na jamma e curria ‘cchiù forti.

‘ccì stuccai n’autra jamma e curria ‘cchiù forti ancora;

‘ccì stuccai  la terza jamma e curria ancora ‘cchiù forti.

‘Ccì stuccai l’urtima jamma e la povira scecca

all’impruvvisu carìu, arrumazzannisi malamenti.

Ciao a tutti.

Paolo

SPERARI

L’aucidduzzu è natu ‘ppì ‘cantari,

la rinniledda, ppì iri e viniri,

la barca l’hannu fatta ‘ppì lu mari,

l’occhi l’aviemu ‘nfrunti ‘ppì vidiri.

Vu’, ca lu suli faciti ammucciàri,

tiniti milli cori a li martiri;

iu nascì mischinu ‘ppì sperari,

e sperannu, sperannu, appuòi muriri.

Ciao a tutti.

Paolo

STAFFERI

Talè, talè ch’è lariu stu stafferi!

Mi fa lu celu e la terra trimari,

nun ‘vali novi dinari lu so feli,

mancu du’ ‘rana lu so ficatàri.

Lu corvu annivricò ‘ppì lu pinseri,

la cicala scattò, ‘ppì lu cantari;

sì’ comu ‘ncani, ca mi veni ‘ppì ‘darreri,

abbajari mi puòi, non muzzicari.

Un caro saluto a tutti.

Paolo

AMURI?...’NTA’  MAMMA

Dimmila, figghia bedda, a viritati,

si ‘sienti amuri’ppì stu cori miu,

ca paci un trova ‘cchiù ‘nta li nuttati,

ca penza ancora a ‘ttia, ‘ssu labbru riu.

Chi ‘ffu, ‘chì ti stufarru i me canzuni

di notti, ‘nzuccarati di l’amuri,

ca ‘ntra li notti sutta u to’ balcuni,

ti li cantavu ‘cù tuttu lu miu arduri?

‘Pi ‘ttia chianci macari me Matruzza,

ca viri persu lu so’ figghiu caru,

e ‘maladici sempri ‘ssa vuccuzza,

ca primu ridi e ‘doppu etta l’amaru.

Ora ‘ci criru ca sì cientu amuri,

c’abbannunasti o vientu li to’ veli:

sì comu a  ‘na la puzza, ‘ntra li ciuri,

ca posa, vola e mentri suca mieli.

Ma ‘cchiù ‘ncì cantu nò, ‘ntà ‘ssà vanedda,

vardu la Matri mia ‘ntra li nuttati,

ca sulamenti ‘ntà sta vicchiaredda,

truovu lu veru amuri, a viritati!

Ciao a tutti.

Paolo

L’OMU, LA VITA, LU MUNNU

Secunnu mia, lu munnu è ‘na tannura,

la vita, tali e quali a ‘na vampata,

ca l’uomu notti e ‘ghiornu l’accuttura

comu a lu sancunazzu ‘ntra pignata.

Contrasta ‘ccu lu fumu e la russura;

s’abbascia, arrieri vugghi, ‘ntrova strata

e sbucca ‘nnì l’eterna sipurtura,

sutta na cruci e na fridda valata.

‘Nta stu cuntrastu la vampa si scungi,

pirchì lu fuocu l’ammacia la scuma,

e nudda vampa ‘cchiù lu sancu pungi.

‘Ntra la pignata s’arresta e s’attuma,

l’urtimu fumu ‘cu ‘l’anima si jungi,

e ‘ntà la tannura la cinniri assuma.

(pueta scunusciutu)

Ciao a tutti.

Paolo

L’OMU, LA VITA, LU MUNNU

Secunnu mia, lu munnu è ‘na tannura,

la vita, tali e quali a ‘na vampata,

ca l’uomu notti e ‘ghiornu l’accuttura

comu a lu sancunazzu ‘ntra pignata.

Contrasta ‘ccu lu fumu e la russura;

s’abbascia, arrieri vugghi, ‘ntrova strata

e sbucca ‘nnì l’eterna sipurtura,

sutta na cruci e na fridda valata.

‘Nta stu cuntrastu la vampa si scungi,

pirchì lu fuocu l’ammacia la scuma,

e nudda vampa ‘cchiù lu sancu pungi.

‘Ntra la pignata s’arresta e s’attuma,

l’urtimu fumu ‘cu ‘l’anima si jungi,

e ‘ntà la tannura la cinniri assuma.

(pueta scunusciutu)

Ciao a tutti.

Paolo

L’OMU, LA VITA, LU MUNNU

Secunnu mia, lu munnu è ‘na tannura,

la vita, tali e quali a ‘na vampata,

ca l’uomu notti e ‘ghiornu l’accuttura

comu a lu sancunazzu ‘ntra pignata.

Contrasta ‘ccu lu fumu e la russura;

s’abbascia, arrieri vugghi, ‘ntrova strata

e sbucca ‘nnì l’eterna sipurtura,

sutta na cruci e na fridda valata.

‘Nta stu cuntrastu la vampa si scungi,

pirchì lu fuocu l’ammacia la scuma,

e nudda vampa ‘cchiù lu sancu pungi.

‘Ntra la pignata s’arresta e s’attuma,

l’urtimu fumu ‘cu ‘l’anima si jungi,

e ‘ntà la tannura la cinniri assuma.

(pueta scunusciutu)

Ciao a tutti.

Paolo