El gh'ha minga pagura de vardà giò in del Navilj Grand,
ch'el varda in sé medesim,
ch'el varda in di profondità de la soa Milàn…….
Adess che te set lì, settàa giò,
cont on sospiri te vardet in di oeucc tucc nunch,
tutt quell che te voeurevet, quell ch'el tò coeur te diseva.
Inscì tant per dì, tant per contà soo i tò regordi, i tò Pensèe, i tò
Sentiment, sora i gent de la vecia Milàn, de quand che
serom "politi", quand che se diseva "ciar e nett" quell che l'era el
so cont.
Quej temp andàa che ti te tegnevet puu denter de tì,
che s'ciopaven d'Energia
perché la Libertà la gh'ha pressa, la gh'ha de fàa i so robb,
la gh'ha de rend el sò servizzi.
S'ciao caro Nonno Angiol.
Se sentom chicchinscì, arent de tì, e scoltom anmò el tò Coeur, la
toa Anima, per spantegàa el pussè possibil l'Amor per la toa, la
nostra cara vegia e bèlla Milàn.

I tò nevod