Cara Elena,
bellissim i tre poesii del noster Carlin. Voeunna pussee bella dell'altra e
molto significative e attuali. Da medità.
Armida



> Me seri ripromessa, in memoria del carissimo scior Nonno Angelo, de
> scomincià a scrivv in milanès.
> L'è minga assèe, l'è mai assè per el noster Nonno.
> Impunemanch el voeuri regordall cont una quaj poesia del Carlin Porta
> sora el nost Milàn, sora la nostra città che el Nonno tanto amava.
> Speri ch'el ghe piaserà.
>
>
> EL SARA VERA FORS QUELL CH'EL DIS LU
>
> El sarà vera fors quell ch'el dis lu,
> che Milan l'è on paes che mett ingossa,
> che l'aria l'è malsana, umeda, grossa,
> e che nun Milanes semm turlurù.
>
> Impunemanch però el mè sur Monsù
> hin tredes ann che osservi d'ona cossa,
> che quand lor sciori pienten chì in sta fossa
> quij benedetti verz no i spienten pù.
>
> Per ressolv alla mej sta question,
> Monsù ch'el scusa, ma no poss de men
> che pregall a adattass a on paragon.
>
> On asen mantegnuu semper de stobbia,
> s'el riva a mangià biava e fava e fen
> el tira giò scalzad fina in la grobbia.
>
>
>
>
> I PAROLL D'ON LENGUAGG, CAR SUR GORELL (1812)
>
> I paroll d'on lenguagg, car sur Gorell,
> Hin ona tavolozza de color,
> Che ponn fa el quader brutt e el ponn fa bell,
> Segond la maestria del pittor.
>
> Senza idej, senza on cervell
> Che regola i paroll in del descor,
> Tutt i lenguagg del mond hin come quell
> Che parla on so umilissem servidor.
>
> E sti idej, sto bon gust, già el savarà
> Che no hin privativa di paês,
> Ma di coo che gh'han flemma de studià :
>
> Tant l'è vera, che, in bocca de usciuria,
> El bellissem lenguagg di Sienês,
> L'è el lenguagg pu cojon che mai ghe sia.
>
>
>
>
> RICCHEZZ DEL VOCABOLARI MILANES
>
> Oh quante parentell han tiraa in pee
> per nominà i cojon! Gh'han ditt sonaj,
> toder, granei, quattordes sold, badee,
> zeri, testiccol, rosc, ball, baravaj;
>
> Gh'han ditt oeuv senza guss, bartolamee,
> barlafus, fasoritt, menus, coo d'aj,
> signori de cittaa, zeder, campee,
> barole, ballauster e coraj.
>
> Gh'han ditt gandoll, frittur, pes, contrappes,
> segond nodar, ballottol, bicciolan
> e (no soo perché coss) fin verones.
>
> E adess in grazia de Madamm Bibin
> gh'è paricc che i domanden i Bonsan,
> e la massima part i Gherardin.
>
>
>
> Per annullare l'iscrizione a questo gruppo, manda una mail all'indirizzo:
> celtegh-unsubscribe@yahoogroups.com
>
>
>
>
> Yahoo! Groups Sponsor
>
>
===============================================================================
> Collegamenti utili di Yahoo! Gruppi
> * Per andare all'homepage del gruppo:
> http://it.groups.yahoo.com/group/celtegh/
>
> * Per annullare l'iscrizione al gruppo, scrivi a:
> celtegh-unsubscribe@yahoogroups.com
>
> * L'utilizzo da parte tua di Yahoo! Gruppi è soggetto alle Condizioni
> Generali_di_Utilizzo_del_Servizio.
>
>