> Estimataj kolegoj:
> Mi havas la taskon sciigi al vi, ke la ILEI-Estraro decidis nuligi la
> okazigon de la cxijara Konferenco en Cxinio. La Estraro longe pripensis la
> decidon sekve de diversaj konsideroj.
> Pluraj estas la kialoj, sed efektive gxis nun ni ne havis aligxintojn
> malgraw tio, ke la informoj aperis kaj en la hejmpagxo de ILEI kaj ankaw
> en nia revuo (en la numeroj 4 de la jaro 2003 kaj en la numero 1 de cxi
> tiu jaro). Ankaw montrigxis, ke ne estas eblecoj al la Estraranoj mem
> vojagxi al Cxinio kaj membroj de nia Komitato esprimis sian ne eblecon
> cxeesti gxin. Gxis la fino de februaro nur 2 personoj montris intereson
> pri cxeesto en la Konferenco. Tio igis nin antawvidi Konferencon sen
> suficxe da partoprenantoj.
> La decido estas, do, nuligi la Konferencon en Cxinio kaj sercxi
> alternativan eblon en Ewropo. Cximomente mi estas febre okupigxanta pri la
> sercxado de loko por Konferenci cxijare. Gxis nun ni havas 3 eblajn datojn
> kaj lokojn kaj mi atendas la ricevon de definitiva oferto de la
> proponantoj gxis merkredo de la sekva semajno. Tuj post decido flanke de
> la Estraro la komitatanoj estos unue informitaj kaj tuj sekvos la
> diskonigo de la novajxo pere de la E-kanaloj (diskutlistoj, radioelsendoj,
> Ret-Info, NUN, IPR, ktp).
> Samtempe mi sxatus informi al vi, ke mi esperas ricevi jam cxisemajne 2
> ofertojn pri eblecoj konferenci en Litovio en la jaro 2005 kaj mi komencis
> esplori eblecojn pri Konferenco en la jaro 2006 en Italio.
>
> Salutas,
>
> Atilio ORELLANA ROJAS
> Sekretario


[Sono state eliminare la parti non di testo del messaggio]