13-17a de septembro
Unua sesio de la nova grupo de postdiplomaj Interlingvistikaj Studoj en la
Universitato Adam Mickiewicz, Poznan, al kiu aligxantoj bone parolantaj
esperanton kaj kun universitata diplomo, estas atendataj gxis la 15a de
auxgusto.

18-19a de septembro
Okazos Interlingvistika Simpozio por festi la 10-jarigxon de la
Interlingvistika fako de UAM kun ricxa programo dank'al niaj prelegantoj
(inter ili Vera Barandovska, Detlev Blanke, Tomasz Chmielik, Michel Duc
Goninaz, Istvan Ertl, Sabine Fiedler, Aleksander Korjxenkov, Katalin Kovats,
Maria Majerczak, Aleksander Melnikov, Humphrey Tonkin, John Wells) kaj niaj
eksaj kaj nunaj gestudentoj. Cxiuj interesigxantoj estas bonvenaj por la
abunda programo, kiun eblas kunligi kun la posta kultura arangxo Arkones
(19-21.09), same en Poznan.

13-17a de septembro
La komenca sesio de la unujara instruista trejnado organizata far UAM kaj
ILEI kune same atendas aligxantojn. UAM kaj ILEI subskribis kontrakton por
kunlaboro en la formado de e-instruistoj. La partoprenantoj povos profiti el
cxiuj menciitaj arangxoj.


Ilona Koutny, gvidanto de la Interlingvistikaj Studoj

(informoj kaj aligxo: interlin@...,
http://www.staff.amu.edu.pl/~interl/index.html)


[Sono state eliminare la parti non di testo del messaggio]