Fame-fondajxo por stimuli la disvastigon de la Esperanto-kulturo, kun kiu la
urbo Aalen en Germanio kunlaboras, transdonis la 19an de oktobro 2008 sian 11-an
Esperanto-premion al Internacia Esperanto-Instituto. Antauaj laureatoj
estis ekzemple Claude Gacond, Marjorie Boulton, la kantgrupo Kajto. La siatempa
iniciato por tia distingo, aljugxita cxiun duan jaron, devenas de la mecenato,
la esperantisto Franz Alois Meiners, kiu disponigis
kapitalon. La komunumo Aalen cxiam ebligas la festan ceremonion.

La kunveno nun okazis en la urba biblioteko de Aalen, konata pro la gastigo de
la germana Esperanto-librokolekto. La urbestro bonvenigis cxirkau 80 gastojn,
inter ili kelkaj lokaj politikistoj. Li emfazis la malfermecon de
Aalen al la mondo kaj la gravecon de la Internacia Lingvo.

Herbert Mayer, la prezidanto de Fame-fondajxo, skizis la historion de la Haga
institucio kaj la prezidanto de IEI, Ed Borsboom germanlingve prezentis la
estraranojn, tri el ili cxeestis, kaj informis pri la profesorecon de Wim
Jansen por la Esperanto-katedro en la universitato de Amsterdam. Post tio Atilio
Orellana Rojas, direktoro de la IEI-oficejo, sprite kaj konvinke demonstris en
provleciono la efikecon de la Cxe-metodo.

Lastaj eroj de la solenajxo konsistis el la enmanigo de la diplomo kaj cxeko kun
sekvaj dankvortoj de Borsboom. Tion li substrekis per konvena donaco: la libro
"Vivo de Andreo Cseh", kiun li donis al la urbestro kaj al Karl Heinz
Schaeffer, la organizanto el la Esperanto-rondo de Aalen. Muziprezentado ornamis
la omagxon, en kies dauro du junulinoj ludis pianon kaj violonon, per tio
agrable alternante vortojn kaj muzikon. Dum la sekva bankedo cxiu
havis sxancon pli persone interkonatigxi. Tiel finigxis bone arangxita,impona
kultura matineo.

Els van Dijk, Nederlando

[Sono state eliminare la parti non di testo del messaggio]